小产权房558爱情歌
一、相识、相知
俩人唱歌丁对丁
客家山歌特出名，条条山歌有妹名；
条条山歌有妹份，一条冇妹唱唔成。
你有好歌唱起来，涯有好歌回得开；
自古山歌从口出，万千山歌用船载。
唱歌去哩望歌回，撑船去哩望船归；
手拿竹篙十二节，节节唱哩节节回。
要涯唱歌也唔难，山歌本子两三担；
今年唱哩都唔算，唱到明年月逢三。
唱歌唔爱咁多人，两人唱歌丁对丁；
两人唱歌团团转，好比吹笛拉胡琴。
唱歌要唱有情歌，打锣要打苏州锣；
恋郎要恋有情嘅，无情无义哪里冇?
唱就唱，唱起日头对月光；
唱起麒麟对狮子，唱起金鸡对凤凰。
唱歌唔系考声音，总要唱来情义深；
恋郎唔系论人貌，总爱两人心连心。
快快唱歌快快回，唱哩这条来去归；
唱哩这条来去转，两人越唱心越飞。
唱歌姐妹远方郎，还冇唱完就慌张；
提起头来冇唱了，冇头冇尾就退堂。
嫩绯绯，莫讲唱头冇唱尾；
你有千条歌起头，涯有万条歌子尾。
涯唱歌子你少听，你年青来涯后生；
两人同阵咐多岁，两人唱起牵手行。
一九八七年三月采录于乐昌五山乡小山
演唱:陈水生。乐昌五山乡小山茶坪村农民
搜集:张松有。乐昌五山乡小山南木坑农民
你唱歌子你咁刁
你唱歌子你咁刁①，谁人架起洛阳桥?
谁人上台来唱戏，谁人散钱来包消?
我唱歌子我唔刁，众人架起洛阳桥。
观音上台来唱戏，百姓众人来包消。
你唱歌子你咁刁，什么上树树唔摇?
什么起得倒吊屋?什么架起半天桥?
我唱歌子我唔刁，蚂蚁上树树唔摇。
黄蜂起得倒吊屋，蜘蛛架起半天桥。
你唱歌子你咁辣，什么有嘴唔讲话?
什么有脚唔走路，什么有脚走天下?
我唱歌子我唔辣，哑巴有嘴唔讲话。
凳子有脚唔走路，铜钱冇脚走天下。
注:①刁:厉害。
一九八七年二月采录于乐昌五山
演唱:陈水生。乐昌五山小山茶坪村农民
搜集:张松有。乐昌五山小山南木坑农民
细村也有嫩姣莲
高岭头子有好水，落垅落窝有好田。
深山也有凤凰鸟，细村也有嫩姣莲。
唱上唱下唱自由
管它有万也有，唔唱歌子唔风流。
周游天下各处唱，唱上唱下唱自由。
哪个妹妹不心焦
高岭头上种辣椒，辣椒打花五寸高
哪个辣椒不辣嘴，哪个妹妹不心焦?
只要心肝开句口
单竹咁薄节又长，人心难测水难量。
只要心肝开句口，费事郎今想咁长。
一九八七年二月采录于乐昌县五山乡小山茶坪村
敢问鲜花嘛嘅名
一朵鲜花路边生，花又红来叶又青。
咁好鲜花哥唔识，敢问鲜花嘛嘅名？
要我开口面都红
一树杨梅半树红，样般今日咐相逢?
恋妹是要哥开口，要我开口面都红。
一朵红花思情郎
红花闺女瓜子面，口讲话来糖咐甜。
郎子冇双又冇对，想你团圆到身边。
一朵红花在九州，风吹日晒嫩油油。
好像石膏转豆腐，有日同你结成球。
一朵红花映水中，我想恋你水又动。
泥齐膝头水齐颈，生要恋来死要同。
一朵红花映水心，越想恋你水又深。
只要两人有情义，恋到浸死也甘心。
一朵红花在深泥，日转红来夜转青。
系我红花我才动，情投意合我才行。
一九八0年四月采录于乐昌九峰茶料
演唱:潘成凤。乐昌九峰茶料农民
搜集:罗家茂。原乐昌九峰文化站干部
花不逢春不乱开
山歌不唱不开怀，石磨不推不转来。
酒不醉人人自醉，花不逢春不乱开。
又想恋哥又怕人
你看天上那朵云，又想落雨又想晴。
你看路边那个妹，又想恋哥又怕人。
句句打动哥心窝
情妹最会唱山歌，句句打动哥心窝。
唱得千山旋旋转，唱得鲤鱼跳上坡。
哪有断情死得人
莫话郎穷就断情，莫拿冷言刺郎心。
世上只有断粮死，哪有断情死得人？
莫学黄蜂采野花
恋妹就望成一家，唔成一家心就野。
要学鸳鸯成双对，莫学黄蜂采野花。
哪有一妹恋二郎
倒竹要倒硬头黄，一皮蔑青一屋囊。
一层竹壳包一节，哪有一妹恋二郎?
一九八七年四月采录于乐昌县梅花镇
演唱:华清娇。乐昌县梅花镇幼儿园老师
搜集:罗新芬。乐昌县梅花镇文化站干部
恋妹要恋满姑子
蕃葡冬瓜唔怕老，莆子线瓜嫩正甜。
恋妹要恋满姑子，老嘅满姑我唔恋。
勾了几多过路人
假正经，低头行路眼看人。
妹系路边黄藤簕，勾了几多过路人。
大风越吹花越香
唔怕别人讲短长，越讲两人情越长。
好比门前桂花树，大风越吹花越香。
有心唔怕千里路
雕子飞来叫喳喳，鸭子下田打水花。
有心唔怕千里路，无心唔怕共厅下。
好的妹妹唔讲钱
六月天来六月天，井水泡茶系好甜。
好嘅刀石唔爱水，好的妹妹唔讲钱。
一九八七年三月采录于乐昌县五山乡石下
演唱:赖红莲。乐昌五山乡石下黎树下农民
搜集:张松有。乐昌五山乡小山南木坑农民
要学花烛一条心
米筛筛米米在筛，嘱妹恋郎要真心。
莫学米筛千只眼，要学花烛一条心。
想讨老婆又冇钱
蛤蟆青蛙叫连天，想讨老婆又冇钱。
拿张凳子同爸讲，阿爸摇头又一年。
利刀破竹两面开，跟着穷爷①又穷嫒②。
三十出头冇成亲，孤孤单单实悲哀。
注：①爷即父。②嫒即母。
一九八七年四月采录于乐昌县秀水乡
演唱：陈会勇。乐昌县秀水乡大罗岭农民
本文地址:https://www.fang558.com/cunwei/121576.html
